வெள்ளிப் பணத்துக்கும் நல்ல குணத்துக்கும்

திரைப்படம்: சபாஷ் மாப்பிள்ளை

பாடியவர்: பி.பி. ஸ்ரீனிவாஸ்

இயற்றியவர்:

இசை:்

பிள்ளை எனும் பந்த பாசத்தைத் தள்ளிப் பிரிந்தோடும் - தன்
உள்ளத்தை இரும்புப் பெட்டகமாக்கித் தாள் போடும்
இல்லாதவர் எவரான போதிலும் எள்ளி நகையாடும்
இல்லாதவர் எவரான போதிலும் எள்ளி நகையாடும் - இணை
இல்லாத அன்னை அன்புக்குக் கூட சொல்லால் தடை போடும்

வெள்ளிப் பணத்துக்கும் நல்ல குணத்துக்கும் வெகுதூரம்

வெள்ளத்தினால் வரும் பள்ளம் மேடுபோல் செல்வம் வரும் போகும் - இதை
எள்ளளவேணும் எண்ணாத கஞ்சர்க்குத் துன்பம் வரவாகும்
கள்ளமில்லாத அன்புச் செல்வமே என்றும் நிலையாகும்
கஷ்டம் தீரும் கவலைகள் மாறும் இன்பம் உருவாகும்

வெள்ளிப் பணத்துக்கும் நல்ல குணத்துக்கும் வெகுதூரம் - இது
உள்ளபடி இந்த உலகம் உணர்த்தும் ஒரு பாடம்
வெள்ளிப் பணத்துக்கும் நல்ல குணத்துக்கும் வெகுதூரம்